Annotatsiya
Bugungi globallashuv va raqamli transformatsiya jarayonlarida ta`lim tizimi oldida nafaqat bilim berish, balki shaxsning hissiy va ijtimoiy jihatdan rivojlanishini ta`minlash masalasi ham dolzarb bo`lib bormoqda. Xususan, umumiy o`rta ta`lim muassasalarida o`quvchilarning emotsional barqarorligi, o`zini anglash, boshqalar bilan muloqot qilish, stressga bardoshlik kabi ko`nikmalarini rivojlantirish zarurati oshib bormoqda. Bu esa ijtimoiy-emotsional ta`lim (IET) metodikalarining joriy etilishini talab etadi.